今日晨咁早就要返到學校準備領袖生授章儀式,

之後睇D勁白痴既表演,

由其是班人唱首叉燒包個陣,簡直令人毛管動,

跟住成班領袖生ON99咁行上台,

最後等全校最高人工個條友(校長)俾塊所謂值港幣二十元正既領袖生章我地,

之後週會就咁完結,

今日又差唔多派完所有科目既測驗卷,

除左旅遊未派之外,所有科目都合格,

有D科目分數唔錯,但係有D科目就唔太滿意,

達唔到自己所要既目標,

而且好多時都錯D白痴野ar!!!

仲有~~琛琛~~生日快樂~~

希望你既生日願望會實現la~~

唉~~~今日統測~~~測數學、地理,

雖然開冷氣係就係涼d,

但係大廖姐ar,雖然你就快退休,

我亦都唔想話你,

但係你係咪傻ga,

開到冷氣大一大,仲叫人涷就整多件衫上身,

姐姐!!!那一個地方叫『禮堂』,唔係『雪櫃』ar,

我地係『學生』,唔係『冷鮮雞』ar!!!

尋日去完旅行,真係好好玩ar!!!

尋日小弟去馬鞍山郊野公園燒細路仔食,

唔好意思,係燒野食至真~~因為尋日太多小學生去個到旅行la,

小弟燒完野食之後,

就同琛個d一齊玩大膽/誠實,

小弟做左好多次又大膽又樣衰既行為之後,

小弟們就收拾行裝走人返學校,

跟住同琛、慧、慶、昌、威、豪、恆、金魚、兒、兒兩個fd去mk睇鬼書友,

成套鬼書友勁三級、勁好笑,

最後同佢地影完貼紙相就歸家去lo~~~

終於入左大埔U17 la!!!

黃志豪,小鷹都有去選,仲一齊入選丫!

上年踼第一次踼大埔就拎全港第三,

希望今年又有牌拎la,

原來做 PREFECT 係一件超痛苦既事ar,

D F.5既PREFECT 只係為左個小功而做PREFECT ,

而D F.4係被人迫去做 ga,

小弟就係其中一個受害者 la,

而當值個陣見到D 令女又唔想叫佢地紮番好個頭,因為顧住望佢地

而叫到D豬豬又唔想對眼因為望佢地而去洗眼,

而見到熟人又唔知好唔好叫佢地整番好D衫,

唔叫就會俾老師問候(鬧7)我,叫就會俾熟人問侯我的媽媽,

不過我未至於咁,

不過最可怕既時刻就會系大約就黎打鐘個陣發生la,

D同學好鍾意呢個時間湧上黎,

個情況好似~~~~俾小弟 think 下先,

小弟知 la!!!好似大陸過關咁,咁D人咪湧上樓梯之後到三樓排隊過關ge,

佢地好似湧上樓梯個班人咁la,而我地就好似D入境署D人咁la,

而據小弟所探知,D PREFECT係有樣睇ga[小弟唔係(奇)視佢地ar],

男 PREFECT>多是<~~7樣,而女 PREFECT很多都是~~豬豬,

不過小弟個樣就唔講,自己睇

今日又大一歲 la!!!

今朝返學真係比個的士大佬玩死,

的士佬ar!!!一睇就知我地係跟慧遠ga la,

佢...佢...佢...竟...竟...竟然停車停正羅定X門口ar,

我唔介意佢過左慧遠門口無停車ar,

我係介意佢唔諗後果去行動ar,

的士大佬ar,知唔知我地一落車幾多對羅定X的眼睛望住我地ar,

真係7爆ar!!!!!!